குற்றங்களும் நியாயங்களும்

ஒரு பியர் கோப்பைக்கு
முன் என் மன உறுத்தல்களை
தியானித்தேன்.
பியர் உட்பட.
குற்றங்கள் எல்லாம்
நியாயங்களாகவும்
நியாயங்கள் எல்லாம்
குற்றங்களாகவும்
பட்டன
குற்றங்களுக்கும்
நியாயங்களுக்கும்
தெளிவான வரையரை இல்லாமை
குழப்பமூட்டியது.
தீர்ந்துபோன
பியர் கோப்பை
நக்கலாய்
சிரித்தது.
குற்றங்களும் தான்.
தீர்ந்து போன பியர்
கோப்பையை குப்பையில்
போடாத குற்றம் உட்பட.

என் பக்க நியாயங்களை
நான் எங்கே தேடுவேன்.
என் பக்க குற்றங்கள்
மட்டும் எல்லா
புறங்களிலும் இருந்து சிரிக்கின்றன.

நியாயங்களே புரிந்தோரே
எனக்கு வழி சொல்லுங்கள்
உங்கள் குற்றங்களை
எங்கே தொலைத்தீர்.

குற்றங்களே புரிந்தோரே
எனக்கு வழி சொல்லுங்கள்.
உங்கள் நியாயங்களை
எங்கே பிடித்தீர்.